❤️श्री राधा वृन्दावनबिहारी❤️

आज माई झूलत हें नंदलाल । संग राजत वृषभान नंदिनी, जोरी परम रसाल ॥ १ ॥ श्रीगोवर्द्धन की सुभग शिखर पर, रच्यो जो डोल विशाल । कदली करण केतकी कुंजो, बुकल मालती जाल ॥ २ ॥ नूतन न्यूत प्रवाल रहे लस, माधुरीसों अरुझाय । कमल प्रसून पराग पुंज भर, बहत समीर सुहाय ॥ ३ ॥ मधुप कीर कल कोकिल कुंजत, रस मकरंद लुभाय । सुन सुन श्रवण पुलक पिय प्यारी, रहत कंठ लपटाय ॥ ४ ॥ निरझर झरत सुगंध सुवासित, रंग रंग जल लोल । उभय कूल कलहंस मंडली, कूजत करत कलोल ॥ ५ ॥ युवतिजन समूह मिल गावत, प्रमुदित लोचन लोल । बाजत ताल मृदंग होत रंग, विहसत चारु कपोल ॥ ६ ॥ चोवा चंदन छिरकत भामिनि, अवलोकत रस भाय । श्रीविठ्ठलनाथ आरती उतारत, दास निरख बल जाय ॥ ७ ॥

Tags:

Krishna radha

Rate this picture:

• Create an Ecard

Short Link to this page:

• Report Bad Content