❤️श्री ब्रजनाथ❤️

लाल की रूप माधुरी, निरखि नैंक सखी री। मनसिज-मनहरनि हाँसि, साँवरौ सुकुमार रासि, नख सिख अँग अंग निरखि, सोभा-सीव नखी री ॥ रंग मॅगि सिर सुरंग पाग, लटक रही बाम भाग, चंपकली कुटिल अलक, बीच-बीच रखी री। आयत हग अरुन लोल, कुंडल मंडित कपोल, अधर दसन दीपति- छबि क्योहुँ न जाति लखी री। अभपद भुजदंड मूल, पीन अंस सानुकूल, कनक-मेखला दुकूल, दामिनी धरखी री। उर पर मंदार-हार, मुक्ता-लरबर सुढार, मत्त-द्विरद-गति तियनि की देह दसा करषी री। मकुलित वय नव किसोर, बचन-रचन चितहिं चोर, माधुरी प्रकास मंजरी अनूप चखी री । सर त्याम अति सुजान, गावय कल्यान तान, सप्त सुरनि कल तिहि पर मरलिका बरषी री ॥

Tags:

Krishna

Rate this picture:

• Create an Ecard

Short Link to this page:

• Report Bad Content