❤️जय राधा माधव❤️

मन मेरे इहिं विधि बसि वृन्दावन। मोह-दोह-निंदा-अस्तुति तजि, लाजि न सेवा-भजन।। स्थावर-जंगम कौं सुखदाई, कहिये साँचे वचन। अपनैं प्रभु सौं प्रीति सँचाई, तिनिही के पद-रचन।। वृन्दावन-वासी सुख-रासी, तिनिके सेवौ चरन। संत-महंत-उपासक-प्रेमी, ते सब तारन तरन।। चोरी-ज्वारी मिथ्या तजिकैं, करि उद्दिम उर भरन। सबसौं दीन गरीबी हिय धरि, रहिये चरननि-सरन।। सेवा भजन नाम परमारथ, इनसौं बाँधि प्रेम-पन। वृथा बात मति कहौ, इकौसे बैठि देखि सर्वसु धन।। वानी नाम-रूप-गुन जामें, रहौ सु मगन। और कही न सुनौ कछु प्रभु बिनु, लगी रहै वही लगन।। श्रीहरिवंश-राधिकाबल्लभ, निसि-दिन एकहि रटन। 'हित परमानंद' राधा को वन, सेवौ निजु करि तन-मन।।

Tags:

Krishna radha

Rate this picture:

• Create an Ecard

Short Link to this page:

• Report Bad Content